Մեր Մասին

Ինչո՞ւ Ստեղծեցինք Booktime-ը

Booktime-ը կը հաւատայ, որ իւրաքանչիւր երեխայ արժանի է ընթերցանութեան սիրահարուելու հնարաւորութեան ՝ անկախ իր ապրած վայրէն, խօսած լեզուէն եւ ունեցած հնարաւորութիւններէն:

Տասնամեակներ շարունակ աշխատած ենք գրականութիւնը աւելի հասանելի դարձնելու ուղղութեամբ: Մեր փորձառութիւնն ու մանկական ընթերցանութեան հանդէպ մեր սէրը միացնելով, ստեղծեցինք Booktime-ը՝ պարզ եւ հաճելի միջոց մը, որակաւոր գիրքեր աշխարհի երեխաներու ձեռքերուն մէջ:

Կարդալը պարզապէս հմտութիւն չէ։ Երեւակայութեան, կրթութեան, կարեկցանքի եւ հնարաւորութիւններու զարգացման հարթակ է։ Սակայն աշխարհի միլիոնաւոր երեխաներու համար գիրքը անհասանելի է:

• Իւրաքանչիւր երեք (3) երեխայէ մէկը (1-ը) իր տարիքին համապատասխան ընթերցանութեան նիւթեր (UNESCO, 2023) չունի:
• Աւելի քան 617 միլիոն երեխայ ընթերցանութեան նուազագոյն հմտութիւններ չունի (Համաշխարհային Դրամատուն, World Bank, 2023):
• Ցած եկամուտ ունեցող երկիրներու երեխաներու մօտ 50%-ը տունը գիրք չունի (GPE, 2022):
• Ամերիկայի Միացեալ Նահանգներու ցած եկամուտ ունեցող ընտանիքներու 61%-ը ոչ մէկ մանկական գիրք ունի տունը:
• 35 երկիրներու մէջ 36-59 ամսական 100,012 երեխաներու վրայ կատարուած հետազօտութեան մը համաձայն, միայն 51.8%-ը տան մէջ ունէր գոնէ մէկ մանկական գիրք:
• Ըստ Ազգային Գրագիտութեան Հիմնադրամի (2023), Մեծն Պրիթանիոյ մէջ, 5-8 տարեկան երեխաներու 5-էն 1-ը, եւ 8-18 տարեկան երեխաներու 12-էն 1-ը չունի իր սեփական գիրքը:

Այս թիւերը պարզապէս վիճակագրութիւն չեն. երեխաներ են, որոնք զրկուած են պատմութիւններու կախարդանքէն, յայտնագործութեան ուրախութենէն եւ հնարաւորութիւններու ուժէն: